«табиат ресурслари вазирлиги» тегли мақолалар
Тошкентда Қизил китобга киритилган лайлак ва лочинларни ноқонуний сотишга уринган эркак жаримага тортилди
Юнусобод туманида эркак Ўзбекистон Қизил китобига киритилган икки лайлак ва иккита лочинни сотмоқчи бўлди. Қушлар Тошкент ҳайвонот боғига топширилиб, эркак 3,3 миллион сўм жаримага тортилди.
Зомин қўриқхонасида бўри, Зарафшон қўриқхонасида эса буғу болалари дунёга келди
Зомин қўриқхонаси ходимлари ёввойи ҳайвонларни баҳорги саноқдан ўтказиш жараёнида янги туғилган учта бўри боласини топишди. Аввалроқ Табиат ресурслари вазирлиги Зарафшон қўриқхонасида иккита буғу боласи дунёга келганини хабар қилган эди.
Ўзбекистонда дарахтларни рақамлаштириш лойиҳаси 3 босқичда амалга оширилмоқда
Ўзбекистонда дарахтларни рақамли инвентаризациядан ўтказиш режалаштирилмоқда. Лойиҳа 3 босқичдан иборат. Биринчи босқичда Табиат ресурслари вазирлиги сунъий йўлдошдан олинган суратларни таҳлил қилиб, мамлакатнинг «Яшил индекс»ини аниқламоқчи. Ҳозир Сирдарё вилоятида синов ишлари кетмоқда.
«Сурхон» қўриқхонасидан ноёб Бухоро тоғ қўйини олиб кетишга уринган браконьерлар ушланди
«Сурхон» давлат қўриқхонасидан Бухоро тоғ қўйининг боласини ноқонуний олиб кетишга уринган икки эркак ушланди. Тезкор рейд тадбири давомида қўлга олинган ҳуқуқбузарлар Қашқадарёнинг Деҳқонобод туманида истиқомат қилиши аниқланди. Уларга нисбатан маъмурий баённома расмийлаштирилди.
Табиат ресурслари вазирлиги 10 майга қадар ҳар жумани «Автомобилсиз кун» сифатида ўтказишга чақирди
Табиат ресурслари вазирлиги 10 майга қадар давом этадиган «Тоза ҳаво» ойлиги доирасида вазирлик, корхона ва ҳокимликларнинг барча ходимларини ҳар жумани «Автомобилсиз кун» сифатида ўтказишга чақирди.
Тошкентда дарахтларни бетонлардан тозалаш экоакцияси бошланди
Пойтахтда «Дарахтларни асрайлик» шиори остида экоакцияга старт берилди. Унда дарахтлар бетон, асфальт ва сунъий қопламалардан тозаланади. Акция дастлаб Олмазор туманида, сўнг бир ой ичида бошқа барча ҳудудларда ўтказилади. Кейинчалик уни бутун Ўзбекистон бўйлаб ўтказиш режалаштирилмоқда.
«Бу — ваҳшийлик». Азиз Абдуҳакимов — Қашқадарёда ноёб айиқнинг отиб ўлдирилгани ҳақида
Табиат ресурслари вазири Азиз Абдуҳакимов Қашқадарёда ноёб айиқ отиб ўлдирилганига муносабат билдирди. Унинг сўзларига кўра, айиқ аслида аҳолига хавф туғдирмаган, ҳокимиятга эса уни ўлдирмаслик ҳақида тавсия берилган. Вазирнинг фикрича, табиатга бундай муносабат «ваҳшийлик» ва жуда катта жиноят.
Барча шаҳарларда ҳаво ифлосланишини назорат қилувчи автоматлаштирилган станциялар ўрнатилади
Ўзбекистоннинг ҳар бир туман ва шаҳрида ҳаво ифлосланишини назорат қилувчи кичик автоматлаштирилган станциялар ўрнатилади. Уларнинг маълумотлари асосида ҳудудларнинг ҳаво тозалиги рейтинги шакллантирилиб, мансабдор шахслар ишига баҳо бериб борилади, дея маълум қилинди президент билан учрашувда.
Қашқадарёда айиқ ИИБ раҳбари буйруғи билан отиб ўлдирилди
Чироқчи туманидаги қишлоқлардан бирига келиб қолган қўнғир айиқ ҳаракатсизлантирилиб, табиатга қайтарилиши режалаштирилганди. Бироқ туман ИИБ бошлиғи буйруғи билан жонивор «аҳоли хавфсизлиги учун» отиб ўлдирилди. Воқеага сабабчи масъулларга интизомий жазо чоралари кўрилиши белгиланди.
Сирдарёда 530 бош балиқ ноқонуний овлангани аниқланди
Сардоба сув омборида фуқаролар 3 кун давомида 530 бош балиқни ноқонуний овлагани аниқланди. Бунинг оқибатида ҳайвонот дунёсига 280 млн сўм зарар етган.
Қашқадарё ва Тошкент вилоятида 80 тупга яқин дарахт кесиб ташланди
Қашқадарёда 30 туп манзарали дарахт, Тошкент вилоятида эса 48 туп писта дарахти ўтин қилиш учун кесиб ташлангани аниқланди. Хусусан, Қарши шаҳрида ўсимлик дунёсига 151 млн сўм зарар етган.
Тошкентда «Яшил макон» лойиҳасининг баҳорги мавсумида 625 минг дона дарахт ва бута экилади
«Яшил макон» лойиҳасининг баҳорги мавсуми бошланди. Бу даврда пойтахтда 625 минг дона манзарали, мевали ва бошқа турдаги дарахт ҳамда бута кўчатларини экиш белгиланган. Шунингдек, йил давомида 100 гектар майдонда янги боғ ташкил қилинади.
Фото: Ўзбекистон қўриқхоналаридаги фотоқопқонларга тушган жониворлар
Табиат ресурслари вазирлиги фотоқопқонларга тушиб қолган ҳайвонларнинг фото ва видео тасвирларини эълон қилди. Уларда, жумладан, Ўзбекистон Қизил китобига киритилган жониворлар ҳам акс этган.
2022 йилда дарахтларни ноқонуний кесишдан кўрилган зарар 10 млрд сўмни ташкил этди
Ўзбекистонда 2022 йилда дарахт ва буталарни ноқонуний кесиш бўйича 4599 та ҳолат аниқланган. Таққослаш учун, 2021 йилда 8243 та қоидабузарлик қайд этилган. Табиатга етказилган зарар 10 млрд сўмга баҳоланмоқда. Қурилиш майдончаларида тўсиқлар билан ўралган 24 минг дарахт хавф остида қолмоқда.
Зоминда бўрилар ва Туркистон силовсини фотоқопқонларга тушиб қолди
Табиат ресурслар вазирлиги Зомин қўриқхонасидан икки бўри ва бир Туркистон силовсини тасвирланган фотоқопқон суратларини намойиш этди.
Жиззахда фуқаро хонадонида бўри сақлаб келаётгани аниқланди
Зомин туманида фуқаро хонадонида бўрини ноқонуний тарзда тутқунликда сақлаб келаётгани аниқланди. Унга нисбатан 3 млн сўм жарима белгиланди. Айни пайтда бўрини табиат қўйнига қайтариш чоралари кўрилмоқда.
31 бош туркман қулони «Судочье-Акпетки» қўриқхонасига қўйиб юборилди
Бухоро ихтисослаштирилган «Жайрон» питомнигидаги 31 бош туркман қулони «Судочье-Акпетки» давлат буюртма қўриқхонасига қўйиб юборилди.
Фазлиддин Ғоибназаров иштирокидаги ов жараёнида қонунбузарлик ҳолати мавжудлиги аниқланди
Табиат ресурслари вазирлиги боксчи Фазлиддин Ғоибназаров иштирокидаги ов жараёнида қонунбузарликка йўл қўйилгани ва табиатга зарар етказилганини тасдиқлади. Вазирлик спортчининг шериги ов қилиш ҳуқуқига эга эканини қайд этди. Бироқ тарқалган видеода боксчининг ҳам қуролдан ўқ узгани акс этган эди.
«19,5 млрд сўмга 5 та давлат қўриқхонасининг бошқарув тизими яхшиланади» — Табиат ресурслари вазирлиги
2023 йилда Табиат ресурслари вазирлигига қарашли 5 та қўриқхонанинг бошқарув тизими яхшиланади. Бу ишлар учун давлат бюджетидан 19,5 млрд сўм ажратилмоқда. «Мазкур маблағга фотоқопқонлар, дронлар, камералар сотиб олинади, илмий салоҳият ва лабораториялар кучайтирилади», — деди вазирлик вакили.
Энг кўп ўқилган хабарлар | Сўнгги янгиликлар
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
Қўшимча имкониятларга эга булиш учун сайтда рўйхатдан ўтинг